اتمنى القى ردو منكم وتقبلوا تحياتي لكم

اكمل تنزيل القصه ولا اوقفها

شكرا غلاي واسعدني مرورك

ام عبدالرحمن : احنا واهل الرياض
فواز ومازن : اجل فليناها هناك دام ا ن اهل الرياض بعد بيجون هناك
ويروحون بسيارتهم للمزرعه
وكانت اربع سيارات طالعه من الشرقيه و5 من الرياض وسيارتين قبلهم واصله هناك بالخدامات عشان يرتبون المكان
وصلو المزرعه واليوم الثاني من الصبح
فواز يالله قوم
فواز: هلا بتوامي متى وصلت
مشاري: اليوم
مازن : قوم فواز موبس مشاري جى حتى مساعد وفيصل وعمك فيصل جو
يالله اجل فطور وعلى المسبح على طول ياخي قوم الحين وقت غدا مو وقت فطور قوم انت
فواز طيب الحين بقوم
مازن ترى الرجال يسئلون عنك
فواز : ايه بس اخذ دش وانزل لهم وبعدين نتغدى وياهم والمسبح سيده
مازن : عشت يابعدي
فواز تسلم
يالله اجل وانت يامشاري معانا
مشاري: بس بكلم فواز شوي واقوله ينزل لامي لانها معانا
فواز : جت ايه اروح اسلم ولايهمك مشاري
مشاري : مهما كان امنا
فواز : ان شاء اللله
ونزلوا وراح فواز سلم على امه وجدته وراح عند الرجال وسلم عليهم
وطلع للمسبح عند الشباب وشافهم مساعد ومشاري ومازن بالمسبح قبله
التفت فواز على مازن يالخاين ماتقول تجي قبلي
الايشوف طلال جاي
اقول ويغمز مازن لفواز : ويقوله ناده
فواز عمي طلال
طلال : نعم
فواز بقولك شي
طلال : امر
مازن طليل
طلال: طليل بعينك
مازن: ترى مشتري قلم يعجبك ماركه بكبكه بعد
طلال : والله اذا عجبني باخذه
مازن: شف انا منزله معاي تلاقاه على الطاوله هناك
طلال بشوفه
راح طلال يجيبه
ومازن يقرب من فواز ويقول شوف وش بسوي فيه الحين
طلال مافي الا هذا القلم كانه قلم الطباخ اللي بيتنا
مازن: ايه افتحه شوف خطه يمكن حلو
ويفتح طلال القلم الابصوت قوي: طع طع
طلال : موزون وجع ان شاء الله طرطعان يالخايس
مازن ويغمز لفواز
ويطلع فواز من المسبح وبدون مايحس طلال ويد فونه معاهم
طلال : والله لوريكم بس نطلع
الابجيه عبدالله: يالخاين ياطلال وتقول خيل وانت هنا معاهم
طلال : هم اللي رموني معاهم هنا بالمسبح وش اسوي
عبدالله : ايه زين بعد لان البنات ماخذين الدبابات ويلفون فيها بوسط المزرعه
مازن : خلهم ينزلون احسن لاني بجي ابركب
عبدالله: خلص من المسبح وروح
مازن ايه طيب انا بطلع الحين وبدق على نوره تنادي جمانه من زمان عنها من جيت المزرعه بعد عمري اختي ماشفتها
عبدالله : ترى عمتى غاليه جت مع زوجها
مازن : بعد عمري اختي اجل انا بروح اقول لنوره يجون للدبابات كلهم غاليه وجمانه

عبدالله: لاسابقينك انا بروح لهم هناك وانت تعال بعد مع الشباب هناك على بال ما البنات اللي مع نوره يروحون وترى حريم عمامي هناك بعد
فواز ومازن : خلاص عطهم خبر
عبداالله : لاتتاخرون انا بركب خيل وبروح عندهم هناك
ويروح عبدالله عند نوره وعماته
ويعطيهم خبر ان العيال بيجون عشان اللي يتغطون عنهم
مالقى الانوره وجمانه ومرت عمه فيصل وراح مازن البيت ولقى اخته غاليه وسلم عليها
وطلب انه تروح معاه عيت قالت انها توها جايه وشوي بتشوف زوجها وتجي عندهم
راح للدبابات لقى فواز وعبدالله وطلال ونوره وجمانه ومرت اخوه فيصل
وطلب ان يسوون سباق بين طلال وفواز ومازن وفيصل
وعبدالله ونوره الحكم
وافقو وسوو السباق طبعا طلال سابقهم شوي ورجع بدبابه وعطاه نوره وفيصل امداه يمشي الا خلص بانزين الدباب ووقف
ورجع فيه بقى فواز ومازن يتسابقون ومازن مره مبسوط مع فواز
مازن : فواز
فواز : نعم
مازن: انا بس اخلص ها الترم من ها السمستر بخطب اللي بالي بالك
واول ما اتزوج وجيب ولد بسميه عليك
فواز: اقول مزون امش بس يالله نكمل السباق احسن
فواز : لف بيرجع مازن استمر يسوق دبابه وبيلف ويرجع عليه
رجع فواز لاهله وبقى مازن وقام فواز يسولف معاهم ونسى عمه مازن
جمانه :فواز
فواز : مازن وينه تاخر
فواز: أي والله
طلال : وخري نوره عن الدباب بركب بروح اشوف وينه
فواز وعبدالله: صبر بنروح معاك
وراح طلال يشوف وين راح اخوه ومعاه فواز وعبدالله
وبدى يحل الظلام الايسمع طلا ل صوت احد يون
قرب من الصوت: الايشوف الدباب مقلوب واخوه طايح على الارض وراسه ضارب بالحجر والدم ينزف من راسه يقرب منه
الابجيه عبدالله وفواز وجمانه جايه بعد بدباب ثاني معاهم
نزلوا من دباباتهم يركضون على طلال
الا يشوفون طلال حاط مازن بحضنه والدم على ملابس طلال وطلال يحاول يسمع كلام مازن
مازن : يطالع طلال ويقوله سامحني ياخوي على اللي سويته سامحوني كلكم
فواز : فواز يقرب منه : ياعمر فواز قول : انتبه على نفسك ولايهمك احد وخذ اللي يحبها قلبك زي ما تفقنا
وفي سلسله ابيكم تعطونها اللي ماصارحتها بحبي ابد : بنت خالي ماجد لوجين
سامحوني ابوي جى ياخذني خلاص واستسمحوا لي من امي
عبدالله : مازن قول لا اله الا الله محمدرسول الله
مازن : لا اله الا الله محمد رسول الله
ويلفظ مازن نفسه الاخير بين طلال وعبدالله وفواز اللي ما استحمل الصدمه لفراق اغلى ناسه واصبح على ماهو عليه
الايسمع صوت : فواز وش تسوي هنا
يلتفت لمصدر الصوت: ويلقى عمته جمانه
جمانه : فواز قلبي وش فيك هنا مو بعوايدك تكون هنا
فواز ودموعه على خده : عمتي فقدته فقدته ولا احد حاس بفقدانه غيري ابي امشي ابي اروح لقبره تضمه عمته مو انت حتى احنا يافواز
فواز يصيح وكانه اول مره يبكي عليه وعمته تهدي فيه خلاص امش نروح فوق
فواز : لاخليني هنا بالمكان اللي يحبه بذكرياته الحلوه

الابجيه عبدالله ونوره فواز صار لنا ساعه ندور ونوري هي اللي قالت انك جاي البيس منت
فواز : لا انا شفتكم مشغولين مع بعض قلت اجي لمكاني اللي تعودت عليه
نوره : احنا مالنا غيرك
عبدالله: ياخوي انت مالي غيرك انت ومشاري ونوره
عبدالله: وش رايك انا عازمك اليوم وماتقول لا
فواز : ماني قايل لا
عبدالله : خلاص مشينا ان شاء الله بعد المغرب ان شاءالله
فواز : انشالله اذا ماصار شي رحنا
الابجيت عمهم طلال: هلا فواز عبادي اليوم قبل الساعه 11 لازم تكونون موجودين
عبدالله : ليه خير ان شاء الله

طلال: ان شاء الله خير
فواز : ليه طلال وش فيه في احد بيجي قول ما ابي اشوف احد ابد قول نفسيا مالي خلق اقابل احد ويشوفوني بها الحال
طلال : فواز الحين المرحوم صار له من توفى 5 شهور وانت ماتبي تشوف احد
فواز: ما اقدر ارحموني خلاص ابي ارحل محد حاس فيني اتركوني وبدت العبره تخنقه ويجي عبدالله له ويحضنه
ويجي طلال ويهديه ويقول احنا معاك موانت لحالك فواز وشللك هذا مؤقت ان شاء الله وبترجع تمشي زي اول
عبدالله: ان شاء الله خلاص طلال امش معانا اليوم
طلال: لامقدر لاني بطلع عندي مشوارضروري
طلال: زي ماقلت لكم العشا هنا اليوم
عبدالله : طيب
فواز: بينه بين نفسه اشوى مافي عزيمه اليوم من عبدالله
عبدالله : فواز ترى بنطلع والعشا بوقت ثاني اجلته
فواز: لازم يعني
عبدالله: ايه لازم
وفي نفس الوقت في بيت فجر يمه شوفي فجر ماتبي تقولي وين بتطلع انا خلصت اختبار اليوم والاخت رافضه تقول
ام بسام: يمه روان اختك ومعزومه مع صديقتها وانتي اطلعي مع بنات خالتك
روان : لايمه بروح مع فجر
روان: فجوري بليز ابي اطلع معاك
فجر: اناطالعه مع نوره انتي مع مين بتكونين
روان انا رايحه رايحه
فجر: اف امري لله بس انا بطلع مع نوره
روان: أي عاد نوره عادي امون عليها بس انتي خذني معاك
الايرن جوال فجر بنغمته : لالا هاذي ماهي حاله قلبي مايهدى الا وانت قباله
روان: ترد هلا نوره كيفك
نوره: هلا رووني كيفك
نوره انا تمام
روان: انا بعد تمام بس زعلانه منك انتي وفجر تطلعون ولاتاخذوني معاكم
نوره : خلاص روني ولايهمك عطيني فجر
روان : خذيها معاك
فجر: هلا نوره وينك
نوره: هلا خلاص اليوم انشاء الله بعد المغرب
فجر: خلاص انتظرك
نوره: فجر
فجر: هلا
نوره:جيبي روان معاك دامها خلصت اختبار ومن زمان ماشفتها
فجر: لا ماودي تجي معانا وين اجيبها نبي نسولف على راحتنا
نوره: لا جيبها واحنا سوالفنا ماتخلص ابدا
فجر: okعشانك بس يالله ما اطول عليك هذي الخدامه جايه تقو ل انهم حطوا الغدا وتبينا امي ننزل يالله باي

نوره k فجر بالعافيه بس على اتفاقنا اليوم
فجر: انشاء الله يالله فمان الله
نوره : فمان الكريم
فجر : روان ترى نوره تقول لازم تجين معانا اليوم ومره ثانيه لاتقولين لها شي
روان: من هذي كثري منها
فجر: خلاص بعد المغرب لازم تجهزين لان نوره بتمر علينا
روان: فجر ترى امي تقول غدا
فجر: مالي نفس بدخل نت شوي وبعدين بروح اسوي لي شاي مالي خلق غدا
روان: طيب انا نازله اتغدى باي
ترقى روان لغرفتها بعد الغدى : تتصل على جوال صديقتها ريم
ريم : هلا روان
روان: هلا ريم شخبارك
ريم: بخير الله يسلمك وش سويتي باختبار الكمياء
روان: الحمد لله زين اصلنا انا متصله اسئلك وش سويتي طمنيني
ريم: الحمد لله زين
روان : ايه تعرفين اخر اختبار وقلت اتصل اتطمن عليك وش سويتي
ريم: ماتقصرين روان
روان: اوكي ريم انا بروح اجهز حالي لاني بطلع مع فجر ونوره
ريم: اوكي قلبي طلعه حلوه انشا الله
روان : باي
ريم : باي
الساعه5 ونص ببيت نوره يالله جدتي توصين شي بروح اجهز حالي عشان اطلع
جدتها ام عبدالرحمن: لا ياقلبي ما اوصيك الا على نفسك واسمعي ترى حسابك نزل فيه مصروفك اذا تبين تشترين شي
نوره : ليه متى ارسل ابوي مصروفي
جدتها: لا ما ابوك هذا مني انا
نوره تسلمين يمه ماتقصرين
نوره تروح غرفتها مسرعه الاتصدم باخوها عبدالله نوره انتبهي عبداله يشوف بعيون اخته دموع
عبدالله: نوره وشفيك
نوره : مافيني شي
عبدالله: انا اخوك قولي
نوره : عبدالله جدتي حاطه برصيدي مصروف الشهر ليه ابوي ما ارسل ليه هي اللي تعطينا
عبدالله: لاتكدرين نفسك
جدتي تعرفينها ماتحب تكونين اقل من بنات عمي اوغيرهم جدتي تبيك انتي المتميزه بكل شي
وماتبي شي ينقصك ابد حتى انا وفواز صارفه لنا مصروف وتقول زايده الخير خيرين
عبدالله: خلاص نوره ما ابي اشوف دموعك وانتي اغلا من روحي واطلعي انبسطي مع البنات
نوره : شكرا عبادي الله لايخليني منك
عبدالله : نوره ارجعي بدري عمي يقول في مفاجئاه
نوره: انشا الله ماراح اتاخر
عبدالله اوكي انا بروح اخذ فواز من غرفته عشان بنطلع
نوره : واخيرا بيطلع معاك
عبدالله : ايه واخيرا يالله روحي تجهزي لاتتاخرين على البنات
نوره يوه اخذنا الوقت يالله باي
نوره تجهز نفسه وطلعت تاخذ البنات من بيتهم
في نفس الوقت في بيت فجر وروان
فجر: روان خلصي الحين نوره على وصول والله لو ما خلصتي وهي جت مني رايحه
روان: يالله انا بنزل الحين بس انتي انزلي
فجر : انا نازله
جوال فجر يرن
فجر: هذي نوره تتصل يالله شفتي هذا وانتي ماخلصتي
فجر: هلا نوره
نوره : انا عند الباب انتظركم يالله
فجر اوكي وانا خالصه بنزل الحين لك
روان: فجوري بلا دلع انتظريني
فجر: عندك دقيقه بنزل واذا مانزلتي بروح بكيفك
نزلت فجر وركبت السياره وسلمت على نوره
نوره: وين روان
فجر: دقيقه اذا ما جت نمشي
الاوروان جايه وركبت السياره وسلمت على نوره
نوره لقت شريط اغاني وعطته السواق يحطه لها
الا بلاغنيه ترتفع بصوت عالي بالسياره
حبيت اسلم عليك واخذ اخبارك واذكرك بالغرام اللي تناسيته
فجر: نوره بليز غيري الاغنيه ما احب اسمعها
نوره انشالله
نوره ليش
فجر ماتدرين ليش يعني
روان: نوره ترى فجر تذكرت............................................. .................................................. ...........
يتبع هل فواز راح يطلع جد وايش هي المفاجاءه ومين تذكرت فجر بها الاغنيه

نوره: روان وشفيها فجر
روان : تذكرته اكيد مو اول لما يجي كان يحطها واو ل مايتصلون علينا خواته كان لازم ها الاغنيه تنحط
فجر: روان خلاص اسكتي ماله داعي ها الكلام
نوره: فجر الى متى لازم تنسينه
فجر: نوره روان انا خلاص ما افكر فيه وبعدين انا جايه انبسط مو تجيبون طاريه خلاص
نوره: رجا على الصوت لازم تسمعينها عشان تقدرين تنسينه صح خوفك من سماع الاغنيه هذا يدل انك الى الان تحبينه وموقادره تنسينه
فجر : لا نسيته
نوره : رجا على الصوت المسجل
رجا : طيب
حبيت اسلم عليك واخذ اخبارك واذكرك بالغرام اللي تناسيته
واعلمك اني باقي حافظ اسرارك حفرته داخل عيوني وخليته
نوره
نوره بها اللحظه تلتفت على فجر وتشوف انها لافه وجها على جهت شباك السياره وتطالع بيد فجر وتشوف انها راصه يده بقوه
وصايره حمرا تلفت نوره على روان
روان تطالع نوره نوره حست ان الجو بدا يتكهرب بسب الاغنيه الا تنادي السواق غير الشريط وشغل الردايو على الfm الا اغنيه راشد الماجد

علمنى وشلون ا نساك وانام وانا اللي لك صاحي ايام وايام
شاغلني في بالي شوقك ولايروح صاحي انا ونايم مايروح مايروح
علمني
تسهر عيوني تحلم بلقياك ليت اللذي باقي من العمر وياك
وفي نفس الوقت عبدالله طلع فواز من البيت وبطريقهم يتمشون بكورنيش الخبر
عبدالله يلتفت على فواز
عبدالله ما قلت لكم مواصفاته( ابيض طوله حلو شعره ناعم وسيم بملامحه وعيونه كبار وكان ها الوقت وجه مسويه ديرتي وكان مره شكله حلو)
عبدالله: فواز
فواز: نعم

عبدالله: في بالك مكان معين تبي تروح له
فواز : لا بس خلنا ننزل نتمشى فيه بس شوي
عبدالله: تامر يالغالي ماطلبت شي تدلل
ونزلوا يتمشون بالكورنيش بالواجه البحريه فواز: عبدالله
فواز: خلنا نروح لبتي فرنس
عبدالله: انت تامر امر عشانك يالغالي وين ماتبي نروح نروح انا كم فواز عندي
وهم راحين مواقف السيارات عبدالله يسمع احد يناديه ابو الشباب عبدالله

عبدالله يلتفت على الصوت اللي يناديه: هلا احمد
احمد: هلا عبدالله
احمد اخو فجر واصغر من فجر باربع سنوات بس ومتعرف على عبدالله وفواز لان دايم يشوفهم لما يجبون نوره لفجر
عبدالله: هلا احمد وشخبارك
احمد: بخير الله يسلمك
احمد: هلا فواز وحشتنا وين كل ها الغيبه ياشيخ وحشتني
فواز: احمد زي ماتشوف ماعدت مثل اول مشلول ومحد يبيني
احمد : وش دعوه ابو الشباب انت الغالي وانشالله ترجع زي ا ول وانا وياك على طول جتسكي
عبدالله: احمد وش رايك تروح معانا
فواز: الا احمد وشخبار 3 ثانوى
احمد: وشو 3 ثانوي انا اولى جامعه وين رجعتني لثالث وانا ماصدقت اخلص
فواز: هههههههههه احمد الله يوفقك ان شاء الله
عبدالله: ها احمد وش قلت تروح معانا
احمد : لا خلوها وقت ثاني
فواز : احمد امشي معانا بتي فرنس
احمد: لا الشباب هنا بستار ب** من زمان عنهم وانا اصل مشتاق لجو الشرقيه موكافي مبعد عنها طول السنه
وكافي اني برجع ها الاسبوع القصيم على صيفي ابي اخلص وارجع باسرع وقت تعرف اجواء القصيم
عبدالله: اجل منت مسافر مع الاهل لبنان
احمد: لا والله مدري اشوف يمكن اخر الاجازه
عبدالله: خلاص احمد اخذ وعد منك بكره اشوفك
احمد: اذا ماصار شي عندي بس اتوقع ان بكره مرتبط
عبدالله : خلاص انتظر منك اتصال
فواز : خلاص عبدالله نجلس مع احمد لان مشتاق له اخر مره شفته قبل
احمد: ينادي فواز عشان يضيع الموضوع عنه
احمد : يالله نروح ستارب**
عبدالله مندهش من فواز الللي تغير من يوم ماشاف احمد وضحك وسوالف معاه
احمد: ها فواز طلبك المعتاد زيي
فواز: يضحك من قلب ايه اكيد يالنسيب
عبدالله مستغرب الوضع ويتامل بوجه فواز اللي كان مره مكتئب من ساعه والحين كانه رجع زي اول واحسن
فواز ياشر بيده قدام عبدالله فواز: هلا ابو الشباب وين رحت عنا شكلك رحت ديره ثانيه
عبدالله: الا وشو انت وياه النسيب
فواز : مو احمد بيزوجني بنته
احمد : قاعد يكلم اصدقائه يبي يشوف ليه تأخروا وسكر جواله
الاعبدالله: ها احمد صرت حما فواز تعطيه بنتك
احمد : حرام ازوج بنتي لشايب
فواز : ميت ضحك اجل تبخل علي ببنتك
احمد: لا بعطيها ولدك اللي الله يعيني عليه بيصير زي ابوه رجه
عبدالله : وشو طلبكم اللي زي بعض ومن متى المعرفه
فواز واحمد :بصوت واحد فرابتشينو
عبدالله يحس بجلسته مع احمد وفواز ان ايام عمهم مازن اللي توفى رجعت من انسجام فواز مع احمد بس ماحب يذكر فواز لان من زمان ماشافه مبسوط
زي ماشافه الان
عبدالله :يالله يالخانين قولوا لي من متى كنتم تطلعون وتعرفون طلبات بعض بدون ماتقولون لي
احمد : ههههههههههههههههههههههههههههههههههههههه السالفه بنقول لك اياها
فواز: لا احمد خله يحترق بناره
احمد : لاما ارضى على عبودي
عبدالله : ليه شايفيني اصغر عيالكم انت وياه هين احمدوه انت وفواز
احمد: لاه عبادي الازعلك بس وشو تطلب
عبدالله : مواصدقائك بيجون خلاص ننتظرهم وبعدين نطلب اذا جو وانتو وياه يلا قولوا السالفه
وبنفس الوقت بمجمع الراشد عند البنات وبالدور الثالث في مقهى لي كافيه روان : ها اب ذيك الطاوله اللي تطل على الدرج ابي اشوف اشكال اللوك الجديد
فجر: روان ا عقلي بلا هباله
نوره: فجر خليها براحتها انا موغريبه واعرف اطباع روان
فجر: طيب خلا ص شوفيها راحت قعدت وتقولين جيبيها
نوره : حرام توها مخلصه اختبار وخليها تونسنا
فجرونوره يجلسون على الطاوله اللي اختارتها روان اللي تطل على خارج المحل بقزاز عا** وبنفس الوقت كان مقابل المحل الدرج المتحرك
اللي يرقى للدور الثالث وروان دايم تحب تجلس بنفس المكان عشان تشوف الي بره وتعلق عليهم سواء بنات او شباب
روان: الله الراشد زحمه وناسه
نوره: والله جد روان زحمه عشان اللي زيك خلصوا اختبار وانشبوا لاهلهم يجون هنا
روان: نوره
نوره : روان امزح
فجر: ايه جد ما كذبت نوره نشبه زيك
روا ن : ايه صديقات وافكاركم وحده الله يعيني عليكم
فجرونوره: الا الله يعينا احنا عليك
روان: اجل ليش نوره قالت تعالي الا انها تبيني صح نوره فديتك قولي أي
نوره: ايه عشان انتي قلت لي ورحمتك
روان: نوره طيب اذا اتصلتي على جوالي وقلتي خلي فجر ترد والله لانشب لك ولا اخليها ترد عليك ابد
نوره: لا روان انا امزح خلاص كله ولازعلك
نوره: هافجر روان وشو تبون نطلب
نوره : انا طلبي المعتاد انا وفجر كابتشينوا صح فجر
روان : ليه اختي ماعنده راي تمشي برايك
نوره: هههههههههههه روان انا اعرف فجر لازم كابتشينوا اذا جينا هنا
نوره تغمز لفجر فجر: بعد عمري صديقتي تفهمني
روان انتوا جايبيني تقهورني بحركاتكم كان مافي صداقه الا انتي وياها
روان: انا ابي اطلب كوكتيل بس
نوره انا بطلب كابتشينوا وتشيز كيك فجر معاي تبين تشيز كيك
فجر: لا ما ابي بس كابتشينوا
روان يرن جوالها الاترد هلا ريم انا بالراشد مع البنات
ريم : عسا ك مبسوطه
روان : لا وتطالع فجرونوره هذولا جابيني عشان يرفعون ضغطي
ريم: ههههههههههههههههههههههههههههههههههههه استفردو فيك اجل
روان يمكن
نوره وفجر : روان انتي جايه تسولفين بجوالك ولاتسولفين معانا
ريم: صح روان اذا دخلتي المسن اليوم عطيني خبر
روان : ريم يالله اذا رجعت بكلمك انشبوا اللي عندي وانا بحاول بفجر
وتصك روان الجوال وتلفت فجر علىروان وتقولها : وشو بحاول بفجر ومين ا لنشبه ها؟؟
روان : هههههههههه فجوري حبيتي محد نشبه انت عمري وقلبي
فجر: والله ها التميلح وراه شي..........
نوره فجر: فجر: اختي وعرفك اكيد تبي شي من وراى عمري وقلبي اكيد في شي تبينه ودامك كلمتى ريم فاكيد مرتين
وانتي وريم اذا اتفقتوا على شي الله يعيني عليكم يالله قولي

نوره : ههههههههههههههههههههههههههههههههههههههههههههههههه ذكرتيني بفواز اذا يبي شي من عبدالله كذا يسوي فيه هههههههههههههههههههههههههههههه
روان : فجوري ابي الاب توب حقك تعرفين الكمبيوتر حقي ما اقدر اطول عليه ولازم استخدمه الااذا جلست في المكتب حق سار ه وانا مابي ابي اسوي سهره انا وريم على النت اليوم فجوري
فجر: اقول روني خلاص بعدين
نوره :الله يعينك يافجر عليها وش بتسوين معاها
روان : نورى حبيبتي اقنيعها ياقلبي انتي: اعرفك طيبه وفجر تسمع كلامك
فجر: اقول روان اشربي عصيرك احسن وشفيها لوجلستي بمكتب ساره واستخدمتيه هناك
روان : خلاص لقيت الحل
يرن جوال فجر: هلا والله وغلا بالحلوه وشخبارك
الا روان وينها اتصل عليها ومشغول روان معاي ليه
ابيه فجر: تبينها اتصلي على جوالها هههههههههههههههههههههههههههههه
المتصله : فجر عاد عطيني اياه ابيها
فجر: طيب اتصلي عليها
المتصله : هين فجوري والله لاوريك بس اشوفك طيب لاتزعلين بعطيك اياها بس انتي قولي لي وش اخبارك
روان فجر مين تكلمين
فجر: وحده تحبينها مررررررررررررررررررررررررررررره
روان:: ايه اكيد نهى عطيني اياها روان خوذيها كلميها تبيك
روان: هلا نهى ترى انا عندي جوال ليش تدقين على جوال فجر
روان لنهى انا بالراشد بس ارجع اكلمك انشالله
نهى : اوكي انتظرك
وجلسوا البات يسلفون ويكملون سوالفهم
وعند الشباب بستاربو** : جو اصدقا احمد وشافوا عبدالله وفواز وتعرفوا عليهم وعرف عبدالله سالفه الفرابتشينوا وان اول لقاء بين احمد وفواز كان بستار بو** وكيف انكب الفرابتشنوا على ملابس احمد بسب انا فواز مستعجل وبدون قصد يصدم باحمد وينكب عليه الفرابتشنوا واستئذنوا من احمد واصدقائه وتواعدو معاهم ان يشوفونه قبل سفر احمد للقصيم ببيت احمد:
عبدالله: ها فواز وين تبينا نروح
فواز: خلنا نروح الراشد ابي امر اشتري شي لنوره ومنها بمر مكتبه جرير
عبدالله: اوه اجل بترجع للرسم
فواز: ايه على الاقل اتسلى شوي وانسى موانت طو ل الوقت بمؤسسة جدتي وماترجع الا متاخر
عبدالله: تفكير فواز حلو بس ؟ اشوفك انك مبسوط على احمد وانت مواي شخص يدخل مزاجك؟؟
: احمد واصدقائه جوهم زي جوعمي مازن الله يرحمه..
واحمد. مره حبوب وانبسط معاه مره.
عبدالله: اه يافواز بس.
فواز: وش فيك عبادي
عبدالله: لا ولاشي بس دايم افكر اني ارتبط لكن لما افكر فيها القى نفسي لسه ماكونتها صح مع انا امورنا الماديه اوكي لكن الاستقرار النفسي مو موجود
فواز من جدك انت عبادي تتكام مع ان جدتي مومقصره علينا ابد
عبدالله: فواز قلت جدتي موامي وابوي اللي كانا موعيالهم يسألون علينا وبس بالمناسبات نشوفهم او الجمعات
فواز: من متى امي تهتم فينا واحنا اصلن دايم مع عمامي من احنا صغار ماعدى مشاري اللي راح يدرس في الرياض وخلانا وبالويك اند عندنا بالشرقيه وابوي من بعد من ماتت مرته الثانيه وهو على ذكراها هذا يدل انه ما حب امي وانت تدري ان ابوي تزوج امي عشان مصالح العيله والفرق بين امي وابوي 19 سنه يعني كل واحد لاهي بحياته ولا على فكره ترى امي جايبه خطيب لنوره ؟؟؟؟؟
عبدالله: جد تتكلم فواز
فواز ايه اتكلم من جد هذا الللي سمعته من عمامي
عبدالله يالله وصلنا الراشد بعدين نكمل سوالفنا
عبدالله : ينزل فواز من السياره ويجلسه على الكرسي المتحرك فواز يطلب من عبدالله ان هو يحرك الكرسي يبي يتعود
عبدالله بينه وبين نفسه : والله الطلعه اليوم جاابت فايده لك
فواز في محل عطورهنا بشتري لها عطر وبوديه يغلفون بيبر مون
عبدالله : اوه حركات الاخ موهين وانا مالي شي انا حبيبك يعني واحب الهدايا
فواز:ههههههههههههههههههههههههههههه ولايهمك
ويرحون عبدالله وفواز محل العطور ويشتر عطر شانيل شنس لنوره ويشتري له ولعبدالله عطور
ويطلعون ويروحون بيبر مون فواز : عبدالله عبدالله نعم
فواز جيب هذاك الدب الابيض عجبني شكله بحطه مع العطر
عبدالله يضحك انشالله ويعطيه اياه ويغلفون له الهديه
ويطلعون ويرحون جرير
بنفس الوقت عند البنات الايرن جوال نوره نوره : هلا عمي طلال
طلال : هلا نوره ترى رجا اخذته امي وبتروح فيه المستشفى تزور صديقتها وقالت ابلغك انك ترجعين مع عبدالله وهي قالت بتتصل على عبدالله وانا قلت خلاص بقول لنوره تتصل
نوره طيب وين راجو
طلال : راجو مشغول بعد
نوره : اوكي عمي حصل خير انا بكلم عبدالله يرجعني
طلال يالله بس لاتتاخرون اكثر عشا ن المفاجاءه
نوره انشالله عمي
وتصك نوره جوالها وتقول لفجر : فجر: خلاص بكلم السواق يجينا فشله نروح مع اخوك اوبكلم احمد يجي ياخذنا
نوره : لا حبيبتي زي ماجيتي معاي بترجعين معاي وخالتي ام بسام ماراح تقول شي اكيد لانك دايم معاي نطلع ونروح مع بعض حبكت على اليوم........... : فجر: اوكي نوره خلاص بنرجع سوا بس ايش رايك نتسوق شوي
نوره لا مالي خلق فجر. ليه مالك خلق وش عندك مو عوايدك
نوره : بس ابي اجلس معاكم
نوره ابتصل بعد بعبدالله واشوف وينه عشان يجي ياخذنا نوره تتصل على عبدالله: هلا عبدالله وينك
عبدالله : ليش تسألين وش عندك
نوره : امي نوره تقول عشان ترجعنا البيت لان السواقين مشغولين وانا بامكاني ارجع مع فجر بس ابيك انت ترجعنا
عبدالله:ههههههههههههههه ولايهمك بس لاتعصبين فديتك انا برجعك انا بالراشد الحين
نوره ومن متى انشالله انت هنا
عبدالله: انا ماودي بس فواز قال يبي الراشد وجبته
نوره والله معاك زين الله يبشرك بالخير يعني طلع
عبدالله ايه واحنا بجرير لانه يبي الوان وورق رسم
نوره: اوكي اجل ما اطول عليك بس ااذا رجعنا البيت تقول لي وش صار طيب
عبدالله اوكي باي
روان: اوكي انا بروح تشيز كيك فكتورى بروح اشتري لي وبشتري لاحمد نوره تبين شي نوره: اشتري لي معاك
فجر: نوره يالدبه موقايله انك بتسوين رجيم وش لك بالكيك نوره:هههههههههههههههههههههههههههه
روان انا خلاص بروح يالله باي
روان : راحت تشتري وهي تشتري الا تلقى واحد مقعد على كرسي يبي يشتري ويطيح البوك منه يطيح البوك وتطيح الفلوس على الارض وهوموقادر يشيلهم والكاشير سافطه ولاهمه روان حز بخاطره ان ما معاه احد لمت الفلوس اللي طاحت والبوك وعطته اياه اللي بالكرسي المتحرك شكرا اختي روان عطته البوك وعلى طول راحت وبنفس الوقت عند نوره وفجر عبدالله: هلا نوره وينك
نوره : احنا بلي كافيه والحين بنطلع
عبدالله ايه حتى انا بالدور الثالث يالله اجل انزلوا الحين
روان : تجي عند نوره وفجر ويطلعون من الكوفي روان ونوره وفجر يمشون صوب اللفت اللي بالدور الثالث الا جوال نوره يرن عبدالله : نوره ترى احنا الساره موقفيناه عند بوابه (8) نوره: اوكي عبدالله انتوا وين احنا بنزللالحين تحت باللفت نوره : اوكي يروحون البنات وينزلون تحت الا نوره تروح لميجا ستار وترجع ومعاها نفس الولد اللي شافته روان عند تشيز كيك فكتوري روان :فجر مين هذا اللي مع نوره
فجر: ليه تسالين هذا ااخوها فواز
روان : ليه هو مشلول
فجر: وانتي ليه تسالين عنه
الابنفس الوقت نوره خلاص انت روح اركبوا السياره وانا بنادي صديقتي واختها
فواز: ليه وينهم نوره: هذاك هم واقفين فوازينتبه لهم فواز: نوره
نوره وش فيك فواز فواز: انتي تعرفين البنت اللي هناك نوره ايه صديقتي واختها ليش
فواز : لابس
فواز: ياالله نوره هذا عبدالله ويجي عبدالله ويربك فواز قدام
روان : نوره هذاك اخوك اللي كنتي معاه ا
نوره : ليشر وان
روان : لابس
نوره استغربت وش صاير بينهم وسكتت مصيري اعرف وش اللي صاير مو معقوله اثنينهم نفس السؤال عن بعض السالفه وراها ان
ويركبون السياره البنات ورا
ويوصلون فجر وروان لبيتهم
الانوره تقول: فواز ترى جبت لك تشيزكيك معاي
عبدالله: يضحك قلوبكم اجل عند بعض حتى فواز راح يشتري لك تشيز كيك
نوره : انا مارحت بس وصيت اخت فجر وراحت جابت لي معاها
فواز: ساكت موقادر يستعوب الموقف
عبدالله: فواز وش فيك سكت
فواز لا ولاشي
ويوصلون البيت وينزل عبدالله فواز من السياره ويجلسه بكرسيه وفواز يروح بنفسه للفيلا دون مساعده احد وعاى طول ينزل للبيس منت لمرسمه مايبي احد يشوفه
نوره وعبدالله يدخلون الصاله ويشوفون جدتهم جالسه ويسلمون عليها نوره : الاوين فواز
جدتهم ام عبدالرحمن : سلم على ونزل تحت للمرسمه بس اول مره اشوفه مبسوط بعد اللي صار له
وينزل فواز لمرسمه ويجلس فيه الا بعد نص ساعه يسمعون صوت هرن السياره نوره تطل من شباك الصاله الا تشوف سياره عمها طلال عبدالله ينزل عند فواز تحت باالبيس منت
ام عبدالرحمن : نوره مين اللي جى
نوره : هذا عم طلال جى
ام عبدالرحمن: الله يحيه
نوره الا عمي طلال ليه مادخل تاخر بره الا تشوف سوزي دخلت معاه شنط سفر
نوره : سوزي هذي شنط مين
سوزي: هذي شنطه بابا طلال قول ودي فوق
اللي معا طلال لا انا بدخل من البيس منت على الصاله عشان تكون مفاجاءه اكثر اكيد الشباب تحت
طلال: تعال من المدخل حق الصاله
.....: لا بدخل من البيس منت
طلال: عشان مايشكك الامعاه ان صاير شي اوكي ادخل انت من البيس منت وانا بدخل من الباب الثاني
ويدخل اللي جاي مع طلال من البيس منت ويروح جه المرسم ويشوف انواره مفتوحه
ويقول بنفسه ماتركت الرسم يافواز والى الحين انت ومازن بها المكان ماتغيرونه والله اشتقت لسوالفكم اه بس ياغربه
ويدخل على اللي بالغرفه فواز يرفع عيونه من على الرسمه ويشوف اللي فتح الباب فواز انصدم باللي دخل واللي دخل انصدم بحال فواز ليش جالس على كرسي متحرك وش صاير و عبدالله تفاجئ باللي دخل عليهم فوازمسك بمسكات الكرسي .................................................. ...................... يتبع[/

اتمنى القى ردودكم وتقبلوا تحياتي لان هذي اول قصه
واذا لقيت ردود راح اكمل لكم